මූල්ය සහභාගිත්ව හැකියාව සහ ප්රජා සංවර්ධනය ඇතිකරමින්, ව්යාපාර ඇරැඹීම සහ පුළුල් කිරීම සඳහා පහසුවෙන් ලබාගත හැකි ක්ෂුද්ර ණය පහසුකම් ඔස්සේ ශ්රී ලාංකික කාන්තා ව්යවසායකයින් සවිබලගැන්වීම.
කාන්තාවන් සවිබලගැන්වීමේ ක්ෂුද්ර ණය පහසුකම් වැඩසටහන වෙන්කර ඇත්තේ ශ්රී ලාංකික කාන්තාවන් අතර ආර්ථික වර්ධනය සහ ස්වාධීනත්වය ඇතිකිරීම උදෙසාය. එමඟින් විශේෂ වශයෙන් ඉලක්ක කරගනු ලබන්නේ තමන්ගේම කියා ව්යාපාර ඇරැඹීමට හෝ වැඩිදියුණු කරගැනීමට වුවමනාවක් ඇතත් සාම්ප්රදායික බැංකුකරණ සේවාවන් සඳහා ඇති සීමිත ප්රවේශ අවස්ථා මඟින් අපහසුතාවන්ට මුහුණ පා සිටින කාන්තා කණ්ඩායම්ය. මෙම වැඩසටහන මඟින් 9 සිට 30 දක්වා වූ කාන්තා සාමාජිකාවන්ගෙන් සමන්විත සහයෝගිතා සමූහයන් වන ‘කේන්ද්ර’ සාදාගැනීමට ආරාධනා කරනු ලබයි. මෙම කේන්ද්ර ප්රජා ඇපකරුවන් සහ සහකාරක පද්ධති ලෙස ක්රියා කරමින්, සාමාජිකාවන්ට සාමූහික වශයෙන් ණය මුදල් ලබාගෙන එකිනෙකාගේ ව්යවසායකත්ව කටයුතුවලට සහාය සැපයීමේ හැකියාව ලබාදෙයි. මෙම නව වැඩසටහන මඟින් සාමාජිකාවන්ට මූල්ය සහාය ලබාගග හැකි වනවා පමණක් නොව, එකිනෙකා අතර දැනුම හුවමාරු කරගැනීම, අන්තර් සම්බන්ධතා ජාල ගොඩනගා ගැනීමේ අවස්ථා, සහ සිය ප්රජාවන් තුළ ඉහළ පෙනීසිටීම් අවස්ථා ලබාගැනීම යනාදියද හිමිවෙයි.
වර්ෂ 2016 දී ශ්රී ලංකාවේ පිහිටුවන ලද ෆියුචර් ලයිෆ් ඉන්වෙස්ට්මන්ට්ස් ලිමිටඩ්, නව්යකරණයෙන් යුතු ක්ෂුද්රමූල්ය විසඳුම් සම්බන්ධයෙන් විශේෂඥතාව දක්වයි. ප්රජාවන් සවිබල ගැන්වීම සහ ආර්ථික වර්ධනය ගොඩනැංවීම සඳහා කැපවෙමින්, FLi විසින් සදාචාරාත්මක මූල්යකරණය සමඟ ක්රමෝපායයික සහයෝගීතාවන් සහ ප්රජා-කේන්ද්රීය වැඩසටහන් මුසු කරයි.